二零零七年最後的一日 同埋一大班同學仔去左石澳度過 差唔多六點入到石澳，緊係冇爐啦 都叫左早D搵人入去霸爐la←馬後炮 結果，要比多三舊水租爐 不過，石澳真係比係好多人都keep得好好 起碼呢十幾年都冇變過 一樣係藍天碧海、水清沙幼、綠樹林蔭 雖然比不上馬爾代夫，但比起上次個果個蝴蝶灣，真係差幾皮 最勁就好租爐果度，咁多年真係變都唔變 D椅真係又我幾歲果陣用到宜家 圍一變左的就係後面個公園仔 想當年轉頭昏萬千小朋友果個『騰騰轉』終於冇左 點解叫『騰騰轉』？因為每個係上面玩完的小朋友 落番黎兩隻腳一定騰騰振！ 燒燒下野食，有人竟然做左樣傻事 就係係沙灘上面跌介指 再從申一次，係沙淮上面跌介指唔係只係電影先至有的情節 一如我咁多次的經驗，係沙灘上面跌左的介指係99%搵唔番的 雖然我深知呢個道理，但我都有幫手搵左一陣 結果，緊係搵唔番la 雖然跌左介指果位同學係二零零七年最後一日有呢個壞消息 但係佢都係二零零八時有個好消息，就係可以買過一隻新la！ 就黎到十二點，一度聽住收音機等倒數 當我聽到收音機話仲有三十秒果陣 隔黎果台已經happy new year 到話仲有廿秒果陣，又有另一台haapy new year 到我地happy new year果陣，就真係得我地happy new year wo！ 十二點過後，就番番唔洗錢果面繼續燒 過左一陣，就同埋幾個人落左個沙灘飲酒聊天同玩『誠實與大膽』 知左唔少秘密，仲有唔少驚險場面 差唔多天光，一齊行上山睇零八年第一個日出 行上山的時候，好多人呀，原來好多人都想睇零八年第一個日出 而且仲好鬼死大風tim，雖然我著夠衫呀 個身一D都唔凍，但塊面就凍到hihi 上到山，一班鐘意影相的發燒友已經set好曬架撐 結果，我地一度食風......一度等.....一度食風......一度等........... 總於都係天都光曬果一刻，個太陽出黎la 雖然呢個日出唔係好靚，但係係新一年的第一日就睇到第一個日出，算數la 有人話一個新的日出就等於一個新的希望，但係果刻真係感受唔到 可能佢唔係身邊la，雖然睇到零八年第一個日出 但係第二日踢波就比人踢爆左個咀！ 朋友們，生活就是這樣的！ 願Carbon與您同在！May Carbon be with you！ | 
